கவிதை (56) (2004) இளவரசி - பிரபு திருமண அழைப்பிதழ் !

          கொத்து (01)                                                                   மலர் (053)

------------------------------------------------------------------------------------------------------------

                                       திருமண  அழைப்பிதழ்           

                                      செ.பிரபு  - வே.இளவரசி          

                                                 நாள்: 3-9-2004

------------------------------------------------------------------------------------------------------------

               வையக         நீதி               வகுத்தநல்   அறிஞன் !

               வள்ளுவன்     பெயரால்        வழங்கும்     ஆண்டு !

               ஈரா             யிரத்து           முப்பத்        தைந்து !

               இயல்மதி       ஆவணி          ஈரொன்       பான்நாள் !

               வெள்ளிக்       கிழமை          விண்மணி    தோன்றி !

               விகலை        ஆறு              நாழிகை      அளவில் !

               எங்கள்          செல்வி           இளவர       சிக்கும்

               ஏடகச்           செல்வன்         எழில்பிர     புவுக்கும்

               நியமத்          திருமணம்        நிகழ்வுற     உளது !

               நேரிய !         சீரிய !             நெரிகுழல்    மகளீர் !

               ஆர்மணம்      நிகழும்            அரங்கம்      ஓசூர்

               ஆர்.கே          மாளிகை          அவையகம்   வருக !

               இல்லற         வாழ்வில்          இணையும்   போதுகள்

               நல்லறம்       பேணி              நலம்பல      பெற்று

               வாழ்வும்        வளமும்           பொலிந்து

               வல்லாங்கு     வாழ               வாழ்த்தி      அருள்கவே !

                                           ************************     
                                                   அன்புடன்,

                                          வை.வேதரெத்தினம்

                                                     வே.கலைச்செல்வி

                                                     20-08-2004

---------------------------------------------------------------------------------------------------------

ஆக்கம் + இடுகை,

வை.வேதரெத்தினம்,

[veda70.vv@gmail.com]

ஆட்சியர்,

தமிழ்ப் பணி மன்றம்

--------------------------------------------------------------------------------------------------------

கவிதை (55) (1996) முருகன் - சுபா திருமண வாழ்த்து இதழ் !

       கொத்து (01)                                                                            மலர் (056) 

------------------------------------------------------------------------------------------------------------

          திருமண வாழ்த்து

                      மணமகன்:                       மணமகள்

                       ச.முருகன்                 செ.சுபா

                                                       மணநாள்:

                   திருவள்ளுவர் ஆண்டு 2027, வைகாசி, 9, புதன்கிழமை

                                                             (23-05-1996)

----------------------------------------------------------------------------------

              வள்ளுவம்       என்னும்         வான்மறை      தந்த,

              தெள்ளிய        சான்றோன்      திருப்புகழ்       கூறும்

              ஈரா             யிரத்து          இருபத்          தேழெனும்

              ஆரா            ஆண்டு,         அணிவை        காசி,

              ஒன்ப           தாம்நாள்,        உறுபுதன்        கிழமை,

              பொன்மனச்      செம்மல்,        புகழுடம்         பெய்திய

              செல்லை        யாவின்         செல்வத்         திருமகள்,

              வல்லிப்         பாவை,          வளர்தமிழ்ச்     செல்வி,

              திருவளர்        நங்கை          தேவிசு          பாவும்

              அருள்மொழி     நம்பி            அறிவொளி      முருகனும்

              இல்லற         வாழ்வில்        இணைந்தமை    வாழ்த்தி,

              சொல்மணிச்     சரமதைச்        சூட்டுவன்       வாழ்க !

              திருமணம்       புரிந்தஎம்        தென்னவர்       செல்வ !

              ஒருமனம்       கொண்டு        உயர்வுடன்      வாழ்க !

              அணைவிழு     நீராய்           ஆற்றலும்       வளமும்,

              இணைந்துற     வாழ்க !         ஏற்றமும்        சூழ்க !

              செல்வமும்      பொருளும்       செழிப்புற        வாழ்க !

              நெல்மணி       பொன்மணி      நித்தமும்        சேர்க !

              ஆல்போல்      வாழ்க !         அறுகென        வளர்க !

              மாலவன்        அருளால்        மங்கலம்        நிறைக !

              பீடுற            வாழ்க !         பெற்றோர்       மகிழ்வுற,

              நீடுற            வாழ்க !         நிறையாண்      டுவாழ்க !

              இல்லறம்        ஏற்றிடும்        இணையே !

              நல்லறம்        போற்றி         நலமுடன்       வாழ்கவே !!

                   நாள் : 01-06-1996                                           அன்புடன்,

                   நகர் : மறைமலைநகர்                           வை.வேதரெத்தினம்

----------------------------------------------------------------------------------------------------------

(நினைவில் வாழும் என் அன்பு நண்பர் நெல்லை மாவட்டம் வள்ளியூர் திரு. சு.செல்லையா (Superintendent, Directorate of Employment and Training, Chepauk, Chrnnai 600 005) அவர்களின் அன்பு மகள் செல்வி சுபா திருமணத்தை முன்னிட்டு நான் வாசித்து அளித்த வாழ்த்து மலர்)

-----------------------------------------------------------------------------------------------------------

கவிதை (54) (1985) வெங்கடாசலம் - தனலட்சுமி திருமண அழைப்பிதழ் !

         கொத்து (01)                                                                       மலர் (054)

------------------------------------------------------------------------------------------------------------

             *******திருமண  அழைப்பிதழ்******

          கோ.வெங்கடாசலம் – சி.தனலட்சுமி

                                நாள் : 21-4-1985

------------------------------------------------------------------------

            ஏரார்           வள்ளுவன்         இப்புவி       தோன்றிய

            ஈரா             யிரத்து             ஈரெட்         டாண்டு

            சித்திரைத்      திங்கள்             சீரிய          ஒன்பது

            முத்திரைப்     பொன்னாள்        முகிழ்ஞா     யிற்றில்

            காலைப்        பொழுதில்         கண்மணி     நம்பி

            ஓலைக்         கவிதை            உள்ளுறை   செல்வன்

            எந்தன்          இளவல்            இனிய        தமிழ்த்தேன்

            வேங்க          டாசலம்           விளங்கிழை நங்கை

            தனலெட்        சுமியைத்          தன்கரம்      பற்றி

            மணவினை     ஏற்கும்             மங்கல       நிகழ்ச்சி

            சோளம்         பள்ளம்             சுருங்கில்     தன்னில்

            மேளம்          ஏழில்              மேவிட        அமையும் !

            ஆன்றவிந்      தடங்கிய           அருமைச்     சான்றீர் !

            மனங்கவர்     நண்பீர் !            மகளீர் !       கிளையீர் !

            அன்புடன்       எனதிவ்            வழைப்பினை  ஏற்று

            இன்மணம்      நிகழும்            எழில்மனை   வருக !

            முன்னமை      வுறுக !             முற்றவை    பொலிக !

            உன்னியர்       விழைய            உறுமெய்     யன்பால்

            இல்லறம்       ஏற்றிடும்           இணைக்கு

            நல்லறம்        காட்டி              நல்வாழ்த்    தருள்கவே !

                                                      அன்பன்

                      கோ.கிருஷ்ணன், பண்டக உதவியாளர்,

                                           அ.தொ.ப.நி. சேலம்

-------------------------------------------------------------------------------------------------------------

          { குறிப்பு: திரு. கிருஷ்ணன் கேட்டுக் கொண்டதற்கிணங்க நான்

                  எழுதித் தந்த கவிதை வடிவிலான அழைப்பிதழ்}

--------------------------------------------------------------------------------------------------------------

ஆக்கம் + இடுகை,

வை.வேதரெத்தினம்,

[veda70.vv@gmail.comj]

ஆட்சியர்,

தமிழ்ப் பணி மன்றம்

{25-04-1985}

--------------------------------------------------------------------------------------------------------------

கவிதை (53) (1984) கதிரவன் ஒளியில் காரிருள் மறையும் ! (குற்றம் புரிந்தவன்)

      கொத்து (01)                                                                         மலர் (024)

---------------------------------------------------------------------------------------------------------

              குற்றம் புரிந்தவன் வாழ்க்கையில் நிம்மதி

                                     கொள்வது என்பதேது ?
                                                (ஆண்டு 1984)

----------------------------------------------------------------------

                 

                 கதிரவன்  ஒளியில்  காரிருள்  மறையும்

                    கருமுகில்  மறையாது ! --  முகிலின்

                       கருமையும்  விலகாது !

                 மதியுமிழ்  நிலவில்  மல்லிகை  மலரும்

                    மரையிதழ்  மலராது ! --  இதழில்

                       மதுமணம்  கமழாது !

                 உதிரும்  பனிமழை  ஒருமடு  நிறையும் !

                    ஊருணி  நிறையாது ! --  பயன்மிகு

                       நீர்நிலை  ஆகாது !

                 மதுவின்  பிடியில்  மயக்கம்  பெருகும் !

                    மகிழ்ச்சியும்  பெருகாது ! – வளமுறு

                       வாழ்க்கையும்  அமையாது !

                 குழலின்  இனிமையில்  கோநிரை  மயங்கும் !

                    கொடும்புலி  மயங்காது !  -- புலியின்

                       குணங்களும் உறங்காது !

                 அழலின்  சுடரில்  அடவியும்  கருகும் !

                    அறிவொளி  கருகாது !  -- அறிவின்

                        ஆற்றலும்  உருகாது !

                 கழனியில்  செந்நெல்  கதிர்மணி  சொரியும் !

                    காழகம்  சொரியாது !  -- நீலக்

                        கற்களும்  விளையாது !

                 பழகிட  நெஞ்சம்,  மஞ்சம்  கிடைக்கும் !

                    பாசம்  கிடைக்காது !  -- அன்புப்

                       பரிவும்  இருக்காது !

                 அறுசுவை  உணவு  நலம்பெற  உதவும் !

                    அறிவுற  உதவாது !  -- உலகியல்

                       அறிந்திட இயலாது !

                 குறுமணல்  வயலில்  கரும்புகள்  வளரும் !

                     குடைவரை  வளராது !  -- கொண்டல்

                        கொஞ்சிட  வாராது !

                 சிறுகயம்  பெருகும்  புனல்மிக  இனிக்கும் !

                     செந்நீர்  இனிக்காது !  -- வழியும்

                         கண்ணீர்  சுவைக்காது !

                 நறுமண  மதுவும்  நங்கையர்  உறவும் !

                     நல்கிடும்  இன்பம்மிகும் !  -- வாழ்வும்

                         நலிந்திடத் துன்பமுறும் !

------------------------------------------------------------------------------------------

ஆக்கம் + இடுகை,

வை.வேதரெத்தினம்,

[veda70.vv@gmail.com]

ஆட்சியர்,

தமிழ்ப் பணி மன்றம் முகநூல்.

-------------------------------------------------------------------------------------------------------------------------