இலக்கிய அறிமுகம் (01)பத்துப் பாட்டு !

தொகை நூல்களுள் முதன்மையாக வைத்து எண்ணப்படுவது பத்துப்பாட்டு ! !

பழந்தமிழ் நூல்களைப் பொதுவாக, ‘பத்துப் பாட்டு’, ‘எட்டுத் தொகை’, ‘பதினெண் கீழக்கணக்கு’ என்று பாகுபடுத்தி உரைப்பது உரையாசிரியர்கள் காலந்தொட்டுப் பயின்று வரும் ஒரு மரபாகும். இம்முறை வைப்பில் ‘பத்துப் பாட்டு’ சங்க காலத் தொகை நூல்களுள் முதன்மையாக வைத்து எண்ணப்படுகிறது !

    

இது, பத்துப் பெரிய அகவற் பாடல்களைக் கொண்ட தொகுதி. பத்துப் பாட்டுத் தொகுதியில் அடங்கியுள்ள நூல்களை நினைவில் வைத்துக் கொள்ள வாய்ப்பாகப் பழைய பாடல் ஒன்று உள்ளது. அப்பாடல் வருமாறு :-

-------------------------------------------------------------------------------------------

முருகு, பொருநாறு, பாணிரண்டு, முல்லை,

பெருகு வளமதுரைக் காஞ்சி, மருவினிய

கோல நெடுநல்வாடை, கோல்குறிஞ்சி, பட்டினப்

பாலை, கடாத்தொடும் பத்து.

-------------------------------------------------------------------------------------------

திருமுருகாற்றுப் படை, பொருநராற்றுப் படை, சிறுபாணாற்றுப் படை, பெரும்பாணாற்றுப் படை, முல்லைப்பாட்டு, மதுரைக்காஞ்சி, நெடுநல்வாடை, குறிஞ்சிப்பாட்டு, பட்டினப்பாலை, மலைபடுகடாம் ஆகிய இப்பத்து நூல்களுமே ‘பத்துப் பாட்டு’ என்று வழங்கப் பெறுபவை !

    

பத்துப் பாட்டு நூல்களைத் தொகுத்தவர், தொகுப்பித்தவர் பெயர்கள் தெரியவில்லை. திருமுருகாற்றுப் படை, பொருநராற்றுப் படை, சிறுபாணாற்றுப் படை, பெரும்பாணாற்றுப் படை, மலைபடுகடாம் ஆகிய ஐந்தும் ஆற்றுப்படை நூல்கள் !

    

திருமுருகாற்றுப் படைக்கு ‘புலவர் ஆற்றுப்படை’, என்ற பெயரும் உண்டு. மலைபடுகடாம் ‘கூத்தர் ஆற்றுப்படை’ எனவும் வழங்கும். ‘முல்லைப்பாட்டு’, ‘குறிஞ்சிப்பாட்டு’, ’பட்டினப்பாலை’ மூன்றும் அகத்திணை ஒழுக்கம் பற்றியவை !

    

’நெடுநல்வாடை’ அகப் பொருள் செய்தி வாய்ந்ததாயினும், பாண்டியனது அடையாளப் பூவைக் கூறினமையால், இது புறத் திணை நூலாகக் கருதப்படுகிறது. ’மதுரைக் காஞ்சி’ வீடுபேறு நிமித்தமான செய்திகளைக் கூறுவதால், இதையும் புறத்திணை நூலாக வகைப்படுத்திக் கூறுவர் உரையாசிரியர்கள் !

    

பத்துப் பாட்டு நூல்களுள் மிகச் சிறியது முல்லைப்பாட்டு;  இதில் 103 அடிகள் உள்ளன. மிகப் பெரிய பாடல் மதுரைக் காஞ்சி; இதில் 782 அடிகள் உள்ளன !

    

பண்டைத் தமிழின் அழகையும் பெருமையையும், தொகை நூல்களை ஊன்றிப் படித்து மகிழ்வோமாக ! பழந்தமிழ்க் கருவூலங்களான இவற்றைத் தமிழ் பணி மன்ற நண்பர்கள் விருப்புடன் ஏற்று, போற்றிப் படித்துப் பயன் அடைவார்களாக !

    

சில ஆங்கிலச் சொற்களுக்கு நேர்ப் பொருள் அல்லது இணைப் பொருள் அல்லது புனைப் பொருள் தரும் அழகிய தமிழ்ச் சொற்கள் பத்துப் பாட்டு நூல்களில் பரந்து காணப்படுகின்றன. அவற்றுள் சிவற்றை மட்டும் இங்குக் காண்போம் !

-------------------------------------------------------------------------------------------------------------

ORCHESTRA...............= பல்லியம் (பா.வரி.119. திருமுரு)

HEAVY DUTY...............= மதவலி (பா.வரி.232. திருமுரு)

HIGHWAY ROBBERS..= ஆறலைக் கள்வர் (பா.வரி.21.பொருநர்

FUND...........................= நிதியம் (பா.வரி.249.சிறுபாண்)

HEIR (வாரிசு)............= பிறங்கடை (பா.வரி.30,பெரும்பாண்)

BACK YARD.................= படப்பை (பா.வரி.401.பெரும்பாண்)

SENIOR CITIZEN........= மூதாளர் (பா.வரி.54.முல்லைப்பாட்டு)

V.I.P..............................= விழுமியர் (பா.வரி.200.மதுரைக்காஞ்சி)

MECHANIC..................= கம்மியர் (பா.வரி.57.நெடுநல்வாடை)

BUNGALOW................= வளமனை (பா.வரி.223.குறிஞ்சிப்பாட்டு)

KITCHEN......................= அட்டில் (பா.வரி.43.பட்டினப்பாலை)

SONS...........................= மகார் (பா.வரி.236.மலைபடுகடாம்)

--------------------------------------------------------------------------------------------------------------

குறுக்க விளக்கம்:

திருமுரு = திருமுருகாற்றுப்படை;

பொருநர் = பொருநராற்றுப்படை

சிறுபாண் = சிறுபாணாற்றுப்படை

பெரும்பாண் = பெரும்பாணாற்றுப்படை

-------------------------------------------------------------------------------------------------------------

ஆக்கம் + இடுகை,

வை.வேதரெத்தினம்,

ஆட்சியர்,

தமிழ்ப் பணி மன்றம்.

[தி.ஆ:2050,ஆடவை,09]

{24-06-2019)

------------------------------------------------------------------------------------------------------------

         

”தமிழ்ப் பணி மன்றம்” முகநூற் குழுவில் வெளியிடப் பெற்ற 

கட்டுரை !

-----------------------------------------------------------------------------------------------------------

இலக்கிய மலர்கள் (02) குறிஞ்சிப் பாட்டில் மலர்கள் !

குறிஞ்சிப் பாட்டில் சொல்லப்பட்டுள்ள மலர்களின் பண்டைய பெயரும் அவற்றுக்கு இப்போது வழங்கி வரும் பெயர்களும் !

1)      அடும்பு..................................= அடப்பங் கொடி

2)      அதிரல்.................................= கொடிப்புங்கு

3)      அவரை.................................= அவரைக் கொடி

4)      அனிச்சம்.............................= அனிச்சப் பூ

5)      ஆத்தி....................................= ஆத்தி மரம்

6)      ஆம்பல்................................= அல்லிக் கொடி

7)      ஆரம்.....................................= சந்தன மரம்

8)      ஆவிரை...............................= ஆவாரஞ் செடி

9)      இலவம்................................= இலவ மரம்

10)     ஈங்கை.................................= இண்டங் கொடி

11)     உந்தூழ்................................=மலை மூங்கில்

12)     எருவை................................= நாணல்

13)     எறுழம்.................................= எறுழம் பூ

14)     கரந்தை................................= கொட்டைக் கரந்தை

15)     கருவிளை...........................= கருங் காக்கணங் கொடி

16)     மா..........................................= மாமரம்.

17)     காஞ்சி...................................= ஆற்றுப் பூவரசு.

18)     காயா......................................= நீலோற்பலம் பூ

19)     காழ்வை...............................= அகில் மரம்

20)     குடசம்...................................= வெட்பாலை

21)     குரவம்...................................= குறிஞ்சாக் கொடி

22)     குருகத்தி..............................= மாதவிக் கொடி.

23)     குருகிலை............................=

24)     குருந்து.................................= காட்டு நாரத்தை

25)     குல்லை................................= கஞ்சாங்கோரை

26)     குவளை................................= செங்கழுநீர்

27)     குளவி....................................= மலை மல்லிகை

28)     குறிஞ்சி...............................,.= குறிஞ்சி மலர்

29)     கூவிரம்.................................= தேர்க் கொடிஞ்சி

30)     கூவிளம்...............................= வில்வ மரம்

31)     கைதை..................................= செந்தாழை மரம்

32)     கொகுடி.................................= காட்டு முல்லை

33)     செங்கொடுவேரி................= சித்திரமூலக் கொடி

34)     கொன்றை............................= சரக்கொன்றை

35)     கோங்கம்..............................= முள் இலவு

36)     கோடல்.................................= வெண்காந்தள்

37)     சண்பகம்...............................= செண்பக மரம்

38)     சிந்துவாரம்..........................= நொச்சி மரம்

39)     சுள்ளி.....................................= மயிற்கொன்றை

40)     சூரல்.......................................= பிரம்புச் செடி

41)     செங்காந்தள்.......................= கார்த்திகைச் செடி

42)     சிறுசெங்குரலி...................= கருந்தாமக் கொடி.

43)     செம்மல்...............................= சாதி மல்லிகை

44)     செருந்தி................................= மணித்தக்காளிச் செடி

45)     செருவிளை.........................= வெண்காக்கணம் கொடி

46)     சேடல்....................................= பவழக் கால் மல்லிகை

47)     ஞாழல்...................................= காக்கிரட்டைக் கொடி

48)     தணக்கம்............................ = நுணா மரம்

49)     தளவம்..................................= செம்முல்லைக் கொடி

50)     தாமரை.................................= தாமரைக் கொடி

51)     தாழை....................................= தாழை மரம்

52)     திலகம்...................................= மஞ்சாடி மரம்

53)     தில்லை.................................= தில்லை மரம்

54)     தும்பை...................................= தும்பைச் செடி

55)     துழாய்....................................= துளசிச் செடி

56)     தேமா......................................= .

57)     தோன்றி.................................= மருதோன்றிச் செடி

58)     நந்தி.........................................= நந்தியாவட்டை

59)     நரந்தம்...................................= நாரத்தைமரம்

60)     நள்ளிருள்நாறி....................= இருவாட்சி

61)     நறவம்....................................= குங்கும மரம்

62)     குறுநறுங்கண்ணி..............= நறுவிலி மரம்

63)     நறுநெய்தல்..........................=

64)     நறுவழை...............................= சுரபுன்னை மரம்

65)     நாகம்.......................................= நாவல் மரம்

66)     நெய்தல்.................................=

67)     பகன்றை.............................. = சீந்திற் கொடி

68)     பசும்பிடி..................................= பயினி மரம்

69)     பலாசம்...................................= பலா மரம்

70)     பாங்கர்.....................................= வனச்சுடர் மரம்

71)     பாரம்........................................= பருத்திப் பூ

72)     பாலை.....................................= பாலை மரம்

73)     பிடவம்....................................= பிடவச் செடி

74)     பிண்டி......................................= அசோக மரம்

75)     பித்திகம்.................................= சிறு சண்பகம்.

76)     பீரம்..........................................= பீர்க்கங் கொடி

77)     புன்னாகம்..............................= முள்முருங்கை மரம்

78)     புன்னை...................................= புன்னை மரம்

79)     குரீஇப்பூளை........................= கண்பீளைச் செடி

80)     போங்கம்................................=.மஞ்சாடி மரம்

81)     மணிச்சிகை..........................=

82)     மராஅம்...................................= அரச மரம்

83)     மருதம்....................................= மருத மரம்

84)     சிறுமாரோடம்.....................= செங்கருங்காலி மரம்

85)     முல்லை................................= முல்லைக் கொடி

86)     மௌவல்...............................= வன மல்லிகை

87)     வகுளம்...................................= மகிழ மரம்

88)     வஞ்சி.......................................= ஆற்றுப் பாலை மரம்

89)     வடவனம்...............................= ஆல மரம்

90)     வள்ளி......................................= வள்ளிக் (கிழங்கு) கொடி

91)     வாகை.....................................= வாகை மரம்

92)     வாழை....................................= வாழை மரம்

93)     வானி.......................................= ஓமம் செடி

94)     வெட்சி.....................................=

95)     வேங்கை................................= வேங்கை மரம்

96)     வேரல்......................................= சிறு மூங்கில்

------------------------------------------------------------------------------------------------

ஆக்கம் + இடுகை:

வை.வேதரெத்தினம்,

ஆட்சியர்,

தமிழ்ப் பணி மன்றம்.

[தி.ஆ: 2050, சுறவம், 18.]

{01-02-2019}

------------------------------------------------------------------------------------------------

              “தமிழ்ப் பணி மன்றம்” முகநூற் குழுவில் வெளியிடப்பெற்ற

 கட்டுரை !

              ------------------------------------------------------------------------------------------------