பதினெண் கீழ்க்கணக்கு என்னும்
இலக்கிய வகையைச் சேர்ந்த நான்மணிக்
கடிகை விளம்பி நாகனார் என்னும் பெரும் புலவரால் படைக்கப் பெற்ற நூல்.
கி.பி. 2-ஆம் நூற்றாண்டில் தோன்றியதாக்க் கருதப்படும் இந்நூலில் 106 வெண்பாக்கள்
உள்ளன. ஒவ்வொரு
வெண்பாவும் அரிய கருத்துகளை நமக்கு எடுத்துரைக்கின்றன. அதிலிருந்து
ஒரு பாடல் !
------------------------------------------------------------------------------------------------------
-------------------------
புகைவித்தாப் பொங்கழல் தோன்றுஞ் சிறந்த
நகைவித்தாத் தோன்றும் உவகை – பகையொருவன்
முன்னம்வித் தாக முளைக்கும் முளைத்தபின்
இன்னாவித் தாகி விடும்.
--------------------------------------------------------------------------------------------------------
---------------------------------------------
புகைவித்தாப் பொங்கு அழல் தோன்றும் சிறந்த
நகைவித்தாத் தோன்றும் உவகை – பகையொருவன்
முன்னம் வித்தாக முளைக்கும் முளைத்த பின்
இன்னா வித்து ஆகிவிடும்.
-------------------------------------------------------------------------------------------------------
-----------------------
ஓர் இடத்தில் புகை எழுகிறது என்றால், அதற்கு
அங்கு எரியும் நெருப்பு தான்
வித்தாக (காரணமாக ) இருக்கும்
!
ஒருவன் முகமலர்ச்சியுடன் காணப்படுகிறான் என்றால், அதற்கு அவனது
மன மகிழ்ச்சியே வித்தாக (காரணமாக)
இருக்கும் !
ஒருவன் உள்ளத்தில் உள்ள பகையுணர்வு, வெளியே
தெரிய அவனது குறிப்பான செயல்களே வித்தாக (காரணமாக)
இருக்கும்
!
அதுபோல்,
அவனது பகைமை உணர்வுகளே அவனுக்கு வரக்கூடிய எல்லாத் துன்பங்களுக்கும் வித்தாக
(காரணமாக) இருக்கும் !
--------------------------------------------------------------------------------------------------------
-------------------------------------
புகை வித்து ஆ
= புகை எழுவதற்கு வித்தாக ; பொங்கு அழல் = எரியும் நெருப்பு
; தோன்றும் = காண்பவர்களுக்குத் தோன்றும் ; சிறந்த
நகை வித்து ஆ = மேலான முக மலர்ச்சிக்கு வித்தாக ; உவகை தோன்றும் = மனதில் மகிழ்ச்சி தோன்றும்
; பகை = உள்ளத்தின் பகைமை ; ஒருவன்
= ஒருவனது ; முன்னம் வித்தாக = குறிப்புச்
செயல்கள் காணமாக ; முளைக்கும் = வெளியே தெரியும்
; முளைத்த பின் = தெரிந்தபின் ; இன்னா
= வரும் துன்பங்களுக்கு ; வித்து ஆகிவிடும் = அதுவே
காரணமாகிவிடும்.
----------------------------------------------------------------------------------------------------------
----------------------------
புகை எழுகையில் அதற்குக் காரணமாக அங்கு நெருப்பு இருப்பது விளங்கும்; முகமலர்ச்சிக்குக் காரணம் மனமகிழ்ச்சியே என்பது விளங்கும்; குறிப்பு,
சொல், செயல்களின் வாயிலாக ஒருவர் நம்மீது கொண்டுள்ள பகைமை விளங்கும் ; தெரிந்த
பின் அப் பகைமையே அவரது
துன்பங்களுக்குக் காரணம் என்பதும் விளங்கும் !
-------------------------------------------------------------------------------------------------------
ஆக்கம் + இடுகை;
வை.வேதரெத்தினம்,
ஆட்சியர்,
தமிழ்ப் பணி மன்றம்.
[தி.ஆ:2050,மடங்கல்(ஆவணி),31]
{17-09-2019}
--------------------------------------------------------------------------------------------------------
கருத்துகள் இல்லை:
கருத்துரையிடுக
உங்கள் கருத்துகள் வரவேற்கப்படுகின்றன .