கவிதை (59) (2019) எழுபதாண்டு நிறைவு ! (கிருபானந்தன் வீட்டு விழா )

            கொத்து (001)                                                                                               மலர்  (057)

------------------------------------------------------------------------------------------------------------------------------------

மின்வாரியத்தில் 

பணிபுரியும் பொறியாளர், 

நண்பர் திரு. கிருபானந்தனின் மாமனார்  எழுபதாம் அகவை நிறைவு செய்வதை  முன்னிட்டு, 

அவரது இல்லத்தினரால்  எடுக்கப் பெற்ற  விழாவில்,

 திரு.கிருபானந்தனால் வாசித்து அளிக்கப் பெற்ற  வாழ்த்துப்பா !

 எழுத்து: வை.வேதரெத்தினம்:

 வாசிப்பு: திரு,கிருபானந்தன் !
(2019)

-------------------------------------------------------------------------------------------------------------

                                    வணங்குகிறோம் ! வாழ்த்துங்கள் !!

           

       எழுபதாண்டு      நிறைவுபெறும்      எம்குலத்தின்      திருவிளக்கே !

          இராதாமணி       மணவாளன்        பெயர்விளங்கும்   எழில்முகிலே !

     பழுமரமாய்,       ஊருணியாய்,       பகலவனாய்,       திகழொளியே !

          பால.புஷ்பா       கரம்பிடித்த         பால்மதியே !      அருள்நிதியே !

     வழுவகல        வாழ்வாங்கு        வாழ்தகையே !     தீங்கனியே !

          வல்லாங்கு       வாழ்ந்திடுக!        வணங்குகிறோம் ! வாழ்த்துவையே !

     செழும்புனலே !   இல்வாழ்வின்      செங்கரும்பே !     விழுமியமே !

          செந்தூர          மரைமலரே !       நூறகவை        வாழ்குவையே !!

     வேளாண்மைக்    குடியுதித்த         விடிவெள்ளித்      திருமுகமே !

          விழுதூன்றிச்      சாரத்தில்           விளைந்திட்ட     நென்மணியே !

     தாளாண்மை      மீதூரும்           தரணிபுகழ்         தொழில்மகவே  !

          தண்பொழிலாய்   வழித்தோன்றல்    வாழ்வுயரச்       செய்தனையே  !

     கோளரிமா        மருமகனார்        குலம்தழைக்க     வாழ்த்திடுக !

          கோபுரமே !       நின்குலத்துக்       கொடிகளெலாம்   வணங்குகிறோம் !

     நாளரும்பு        மணம்திகழும்      நவநிதியே !        வணங்குகிறோம் !

          நலமுயர்ந்து      யாம்வாழ          நான்முகனே !     வாழ்த்திடுக !

     கற்றறிந்த        பள்ளிகட்குக்       கார்முகிலாய்       நூல்தந்தாய் !

          கனிவுடனே       கோவிலுக்குக்      கால்பதிக்கக்      தளம்தந்தாய் !

     பொற்கிழியாய்    ஏழையர்க்குப்      பொருள்தந்தாய் !   கரம்தந்தாய் !

          பொன்றாத        புகழ்பூத்தாய் !      பூமான்நின்        புதல்விகளை

     அற்புதமாய்க்     கல்வித்தேர்த்       தவிசினிலே        அமர்த்திட்டாய் !

          ஆற்றல்மிகு      பொறிஞர்களை     அவர்தமக்கும்     மணமுடித்தாய் !

     பெற்றாயே !      பெயர்விளங்கப்     பெயரன்கள்,           பெயர்த்திகளை !

          பெருந்தகையே !  வணங்குகிறோம் ! வாழ்த்துவையே, வளம்பெருக !!

------------------------------------------------------------------------------------------------------------

                                             எழுத்து: வை.வேதரெத்தினம்: 

                                           வாசிப்பு: திரு,கிருபானந்தன் !

------------------------------------------------------------------------------------------------------------

    

சிற்றெழுத்தில் மீள் பதிவு !

               வணங்குகிறோம் ! வாழ்த்துங்கள் !!

           

       எழுபதாண்டு      நிறைவுபெறும்      எம்குலத்தின்      திருவிளக்கே !

          இராதாமணி       மணவாளன்        பெயர்விளங்கும்   எழில்முகிலே !

     பழுமரமாய்,       ஊருணியாய்,       பகலவனாய்,       திகழொளியே !

          பால.புஷ்பா       கரம்பிடித்த         பால்மதியே !      அருள்நிதியே !

     வழுவகல        வாழ்வாங்கு        வாழ்தகையே !     தீங்கனியே !

          வல்லாங்கு       வாழ்ந்திடுக!        வணங்குகிறோம் ! வாழ்த்துவையே !

     செழும்புனலே !   இல்வாழ்வின்      செங்கரும்பே !     விழுமியமே !

          செந்தூர          மரைமலரே !       நூறகவை        வாழ்குவையே !!

     வேளாண்மைக்    குடியுதித்த         விடிவெள்ளித்      திருமுகமே !

          விழுதூன்றிச்      சாரத்தில்           விளைந்திட்ட     நென்மணியே !

     தாளாண்மை      மீதூரும்           தரணிபுகழ்         தொழில்மகவே  !

          தண்பொழிலாய்   வழித்தோன்றல்    வாழ்வுயரச்       செய்தனையே  !

     கோளரிமா        மருமகனார்        குலம்தழைக்க     வாழ்த்திடுக !

          கோபுரமே !       நின்குலத்துக்       கொடிகளெலாம்   வணங்குகிறோம் !

     நாளரும்பு        மணம்திகழும்      நவநிதியே !        வணங்குகிறோம் !

          நலமுயர்ந்து      யாம்வாழ          நான்முகனே !     வாழ்த்திடுக !

     கற்றறிந்த        பள்ளிகட்குக்       கார்முகிலாய்       நூல்தந்தாய் !

          கனிவுடனே       கோவிலுக்குக்      கால்பதிக்கக்      தளம்தந்தாய் !

     பொற்கிழியாய்    ஏழையர்க்குப்      பொருள்தந்தாய் !   கரம்தந்தாய் !

          பொன்றாத        புகழ்பூத்தாய் !      பூமான்நின்        புதல்விகளை

     அற்புதமாய்க்     கல்வித்தேர்த்       தவிசினிலே        அமர்த்திட்டாய் !

          ஆற்றல்மிகு      பொறிஞர்களை     அவர்தமக்கும்     மணமுடித்தாய் !

     பெற்றாயே !      பெயர்விளங்கப்     பெயரன்கள்,           பெயர்த்திகளை !

          பெருந்தகையே !  வணங்குகிறோம் ! வாழ்த்துவையே, வளம்பெருக !!

------------------------------------------------------------------------------------------------------------

                                             எழுத்து: வை.வேதரெத்தினம்: 

                                           வாசிப்பு: திரு,கிருபானந்தன் !

------------------------------------------------------------------------------------------------------------

    

கவிதை (58) (2017) அவைத் தலைமை ! (இராமலிங்கம் பணி ஓய்வு )

     

       கொத்து (01)                                                                      மலர் (058)

----------------------------------------------------------------------------------

திருத்துறைப்பூண்டி

ஊராட்சி ஒன்றிய நடுநிலைப் பள்ளியில்

(சத்திரம் நடு நிலைப் பள்ளி) 18-04-2017 அன்று நடைபெற்ற

பணிநிறைவுப் பாராட்டு விழாவின்போழ்து

நிறை பணித் தலைமை ஆசிரியர்

இ.இராமலிங்கம் B.Sc.,M.Ed அவர்கள் ஆற்றிய நன்றியுரை
[ கவிதை ஆக்கம் வை.வேதரெத்தினம் ]

-------------------------------------------------------------------------------------------

               அவைத்தலைமைப்    பொறுப்பேற்று    அணிசெய்யும்       பெருந்தகையே !

                     அருந்தமிழில்         உரையாற்றி       அமர்ந்திருக்கும்     புரவலர்காள் !

               நவையிருளில்         வழிகாட்டும்       நன்மதியீர்   !         இளந்தலையோர் !

                     நற்கல்வி               அமுதுபெற        நாள்தோறும்         உழைப்பவர்காள் !

               குவைபொலியும்      பொற்காசாய்க்    குழுமியுள            நண்பர்களே !

                     கோதையரே !          ஆடவரே !         கூர்மதியீர் !          அரங்கத்தீர் !

               சுவைமிகுந்த          சொல்மாலை !    சூட்டுதற்கு            யான்வந்தேன் !

                     சோதனையாய்க்       கருதாமல்         சுவைத்திடுக !       வணங்குகிறேன் !

               
               மதுமலர்கள்           வளம்பெருகும்          மயல்மதுக்கூர்      ஒன்றியத்தில்

                     மனங்கவரும்      சிற்றூராம்               மதுரபா               ஷானிபுரம்  !

               விதுப்புடனே           ஈங்குவந்தேன் !         வேலருளால்        பணிஏற்றேன் !   

                     வேலைதனில்        சேர்ந்ததுநான்          எண்பத்து          எட்டலவோ !     

               குதுகுதுப்பாய்ப்        பணியாற்றிக்     கொற்றவரின்      உதவியினால்

                   கோரினேன்;       இடம்பெயர்ந்தேன்       குலவுஆண்டாங்     கரையினிலே !

               சதுப்புநிலம்            நெல்வயல்கள்          சலசலக்கும்       மடைப்பாய்ச்சல் !

                      சலிப்பின்றி         நித்தநித்தம்             சார்பள்ளிப்      பணிபுரிவேன்  !! 

               பயிற்றுவிக்கும்               ஆசிரியர்ப்                  பணிநிலையில்              நிறைவின்மை !

                                      பரிந்துபெற்று              தீவாம்பாள்              பள்ளிநாடிப்          பறந்தனனே !      

               துயில்பொழுதும்     ஆழ்மனதில்        துல்லியமாய்க்      கனவுபல !

                    தூயகல்விப்       பயிர்வளர்க்க      தூவும்மழை          தேடினனே  !

               வாயிலிலே           வாய்ப்புஒன்று      வந்துநின்று         அழைத்தது காண் !

                    வாஞ்சையுடன்    ஈங்குவந்தேன்     வளர்பயிர்க்கு        நீர்தரவே  !

               கோயிலினுள்         புகுந்ததுபோல்      குளிர்ச்சியுற்றது     எனதுஉள்ளம் !

                    கூடும்கல்விச்     சாலையெல்லாம்    கோயில்தானே     உண்மையுண்மை! !

                                                                 @@@@@@@@@@@@@@@

               இடைநிலையில்     ஆசிரியர்ப்            பணியிடத்தில்    அமர்வுபெற்று,

                     எழிலார்ந்த           மதுக்கூரின்          மதுரபா            ஷானிபுரம்,

               குடைதொடங்கி      ஆண்டாங்            கரையடுத்து,      தீவாம்பாள்

                     குறிஞ்சிமுதல்       இப்பள்ளி             ஈறாகப்            பலநிலையில்

               அடைந்தபணிப்      பட்டறிவால்          அரசினரின்        தண்ணளியால்

                     அறிவியல்            பட்டதாரி              ஆசிரியர்          பணீயிடத்தில்

               மிடைப்புற்றேன்     தொண்ணூற்று      ஒன்பதிலே        உயர்வுற்றேன் !

                     மென்மேலும்         ஊக்கமுடன்          செயலாற்றும்     உரம்பெற்றேன் !

               ஆறாண்டு,            பட்டதாரி             ஆசிரியர்          பணிக்காலம்,

                     அதன்பின்பு           எழிலூரில்           நடுநிலைப்        பள்ளிதனில்       

               ஈராண்டு              தலைமைநிலை      ஆசிரியர்ப்         பணியேற்பு !

                   இரண்டாயிரத்        தேழுமுதல்          இவண்தலைமை       ஆசிரியர்,

               நூற்றிருபான்        திங்கட்கும்           மேலதிக          மாதங்கள்

                      நுதற்கண்ணன்       ஆசியுடன்            நுழைபுலமும்           துணைசெய்ய

               போற்றரிய           ஆசிரியப்             பெருமக்கள்       ஒத்துழைப்பால்

                      புரிதலுடன்           பணியாற்றி          பணிநிறைவும்          எய்திவிட்டேன் !

                                                                      @@@@@@@@@@@@@

           

                         இனிமைகள்       நிறைந்தவை       இவ்வுலகம்    -  அவை

                 எல்லைகள்         கடந்தவை           நாமறிவோம் !

                         கனிகளைத்        தேடுதல்             நம்மியல்பு !   - வெறும்

                    காய்களை             நாடுதல்             பிழையலவோ !

                         பனிமலர்           போன்றவை         பிள்ளைமனம்  - அதைப்

                                         பக்குவப்                படுத்துதல்           நம்கடமை !

                         நுனிக்கழிக்         கன்னல்              இனித்திடுமோ !  - நம்

                     நுகர்ச்சியில்             தவறுக்கு             இடமில்லை !

                குருத்தோலை    போன்றவர்கள்     மாணாக்கர்கள் !   -   அவரைக்

                      கோபுரமாய்             உயர்த்துதலில்             நமக்கும்இன்பம் !

                விருப்புடனே      கற்கையிலே       விடலைக்கின்பம் !   -  பிள்ளை

                      வெற்றிபல             குவிக்கையிலே             தந்தைக்கின்பம் !

                முருக்கிதழின்    சொற்பொழிவால்    அன்னைக்கின்பம் !   –   ஊர்

                       முரசொலித்துப்         போற்றுகையில்            உறவுக்கின்பம் !

                அருந்திறலால்    சாதனையால்        நாட்டிற்கின்பம் !   -   உலகு

                       அவர்புகழைப்           பாடுகையில்               பள்ளிக்கின்பம் !

                                                                                    @@@@@@@@@@@@@

                    ஆசிரியப்             பணிஎனக்கு          பெருமை          தந்தது !   -   பல

                          ஆண்டுகளாய்        எனதுழைப்பு         நிறைவைத்       தந்தது !    

                    மாசிலாத             வீணைபலவும்       தேடித்             தந்தது ! - கல்வி

                          மாண்புதனை         உலகுணர்த்த        வாய்ப்புத்          தந்தது !

                    வீசுகின்ற             தென்றலாக          உணர்வைத்       தந்தது !  - ஒளி

                          விளக்குகளை        ஏற்றிவைக்கும்       உரிமை            தந்தது !

                    தேசுமிக்க            அறிஞர்களைத்      தேடித்              தந்தது !  - இனிய

                          தேன்றமிழில்        ஆர்வம்தந்து         முழுமை           தந்தது !    

                                                                    @@@@@@@@@@@@

                    வரையோடு            உறவாடி               வானின்று            தரைவீழும்

                                                  வாரியைக்            காண்பதினிது !

                    கரையோடு            விளையாடி            நுரையோடு           எழில்சிந்தும்

                                                  கடல்நீரைக்          காண்பதினிது !

                    மரையோடு            உறவாடி               மணமோடு           இசைபாடும்

                                                  மலரூதி              காண்பதினிது !

                    நரையோடு             திரைசூழ்ந்த           நல்லோர்தம்         உளமார்ந்த

                                                  நல்லாசி              காண்பதினிது !

                                                                     @@@@@@@@@@@@

                    புதுப்புனல்    காண்பதினிது ! -  மலரும்

                                  பூவிதழைக்     காண்பதினிது !

                                               பொன்னிலவைக்     காண்பதினிது ! -  மழலைப்

                                                           புன்னகையக் காண்பதினிது !

                    மதுக்குயில்          காண்பதினிது ! – ஓடும்

                                 மான்மறியைக்       காண்பதினிது !

                                              மாந்தளிரைக்     காண்பதினிது ! – தோகை

                                                            மயிலினம்     காண்பதினிது !

                    செம்பரிதி     காண்பதினிது ! – துள்ளும்

                                 செம்மீன்கள்         காண்பதினிது !

                                              செழிமுகில்     காண்பதினிது ! – வானில்

                                                           செவ்வில்லைக்     காண்பதினிது !

                    அம்புயத்தைக்     காண்பதினிது ! – வீழும்

                                 ஐந்தருவி     காண்பதினிது !

                                              ஆலயத்தை     காண்பதினிது ! – மாணவர்கள்

                                                           அலர்முகம்    காண்பதினிது !

                                                                     @@@@@@@@@@@@

           சுவையோங்கு      வாழ்வுக்கு       வித்திட்ட     முன்னோர்க்குச்      சொல்லுவேன்

                                                                 நன்றியுரையை !    - கல்வி

           அவையத்தில்      எனையேற்றி     ஒளிவீசச்   செய்தோர்க்கு       அணிவிப்பேன்

                                                                 நன்றிமலரை !

                                                                              @@@@@@@@@@@@

               அறிவுக்   கண்களைத்   திறந்து   வைத்தஎன்  அரசே   குருவே   மிகநன்றி ! – நீவிர்

                    அளித்த   கல்வியால்   விளைந்த  பயிரிது  அய்யா   குருவே   மிகநன்றி !

               செறிந்த   கல்வியை   அறிந்து   சொரிந்தனை   அருட்திரு அரசே  மிகநன்றி ! – நீவிர்

                    செதுக்கிய  சிலையிது  கல்விக்  கோயிலில்  சீர்பெற  வைத்தனை  மிகநன்றி !

               பறித்த   மலர்களை   உரித்த  சுளைகளை  அளித்து  மகிழ்ந்த  என்  குருகுலமே ! –நிவிர்

                    பற்றிய  கரமிது   முற்றிய  கனியிது  அத்துணை  பெருமையும்  உமதருளே !

               குறித்த   இலக்கினை   மறித்த  தடைகளை  உடைத்து  எறிந்திட உரம் தந்தோய் ! –நீவிர்

                    கொடுத்த  அறிவொளி  விலக்கும்  இருளினை  துடைத்து  எறிகுவன்  மிகநன்றி !

                        

                                                                             @@@@@@@@@@@@

              
                        பாராட்டிச்   சீராட்டிப்   பாலூட்டி   விழிகளில் 

                  பாசத்தைப்  பொழிந்  தூற்றித்  தந்தவர் – என்

                        பார்வைகு  ஒளிதந்து  நேசித்து  அளிதந்து 

                             பரிவோடு  அமுதூட்டி   வந்தவர் !

                        ஆராரோ      இசைபாடி  விழிமூடித்  துயில்சூழ   

                   ஆட்கொண்ட   என்காவல்  தெய்வதம் ! - என்
                                 அகத்தோடு  உறவாடி  நிலைபெற்ற  எனதன்னை

                                              அ றச்செல்வி !  வணக்கமம்மா !

                       
                                                                           @@@@@@@@@@@             

              
                      எளிய   குடும்பம் !  உயர்ந்த  பார்வை !

                  இன்சொல் !   வலிமை !    ஏர்மதிமை !

                         எங்கள்  குலத்தின்  கலங்கரை விளக்கு !

                               எனதுதந்தை  என் ஒளிவிளக்கு !

                      குளிர்மதி  நிலவின்  அழகிய  ஒளியே !

                 குழகன்  எனதிரு  விழிகளின்  மணியே !

                        குருவே !  மறைந்தஎன்  தந்தாய் !  வணக்கம் !

                               குழவியென் வாழ்வுநின் அருளே ! வணக்கம் !

                     
                                                   @@@@@@@@@@

               அன்னைக்கும்  தந்தைக்கும்  நன்றி சொல்லல் முறையில்லை !

                        அவர்களது     அன்புக்கு      இணையெதுவும்    ஈங்கில்லை !

               என்றைக்கும்  என்வாழ்வில்  ஒளிவிளக்காய்த்  திகழ்பவர்கள் !

                        இருவரையும்   வணங்கியெந்தன்  நன்றியுரை  தொடர்கின்றேன் !

                             
                                                                            @@@@@@@@@@

               எங்களது   இல்லத்தின்  இயக்குவிசை ! பொதிசுமந்து

                     எந்நாளும்  எமைக்காக்கும்  சுமைதாங்கி ! கற்பலகை !

               தங்கமென  யாம்மதிக்கும்  தாம்பூலம் ! எனது அத்தை

                     தங்களுக்கு என்நன்றி ! வணங்குகிறேன் வாழ்த்திடுக !

                                                                            @@@@@@@@@@

               திக்கெதுவும்   தெரியாமல்  திகைத்திருந்த போழ்தினிலே !

                     தெய்வம்போல்   வந்துநின்று   திசையறிந்து   வழிகாட்டி

               வக்கணையாய்   ஆசிரியப்   பயிற்சிபெற   செய்தவர்,  நான்

                      வணங்கிடும் என்   மாமனார்   வாலறிவ !    மிகநன்றி !

                                                                             @@@@@@@@@@

               வாழ்க்கைத்    துணைஎனக்கு     வரமாக     அமைந்ததனால்

                      வாழ்வாங்கு  வாழுகின்ற   வாய்ப்பெனக்கு   வந்ததுகாண் !

               காழ்மரமாய்   நின்றெனக்குக்   கைகொடுத்த   திலகவதி

                      காரிகையாள்   என்துணைக்குக்  கழறுகிறேன்  நனிநன்றி !

                                                                             @@@@@@@@@@

               உற்றார்க்கும்,     உறவினர்க்கும்,    ஊரார்க்கும்,   உளம்நிறைந்த   

                     உவகையுடன்    நலன்செய்த    நண்பர்கட்கும்,    உடன்வதியும்

               வெற்பனைய    ஆசிரியப்         பெருமக்கள்,     அலுவலர்கள்,

                     வீரியத்தை      வித்தாக்கி      விளைவிக்கும்     மாணவர்கள்,

               அற்புதமாய்     ஆசிரியப்         பணிப்படகில்      பயணிக்க

                     ஆதரவாய்    நின்றவர்கள்,     அனைவர்க்கும்,     ஈசனுக்கும்,

               நெற்றுதமிழ்ச்  சொல்லெடுத்து    நேயமுடன்        நானுரைப்பேன் !

                     நெஞ்சார்ந்த    நன்றிஅய்யா !    நன்றி! நன்றி !!     மிகு நன்றி !!!

                                                                        வணக்கம்

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@

                     

                       

                                   -: அருஞ்சொற்பொருள்:-

                 நவையிருள்      = கடுமையான இருள்            இளந்தலையோர்   = மாணவர்கள்

                 குவை            = கிண்ணம்                      விதுப்பு            = ஆசை

                 குதுகுதுப்பு        = ஆவல்                        கொற்றவரின்      = அரசினரின்

                 குலவு             = கொண்டாட்டம்               சதுப்பு நிலம்       = சேற்று நிலம்

                 குடை தொடங்கி  = ஆட்சி எல்லை தொடங்கி       குறிஞ்சி          = சிற்றூர்

                 தண்ணளி        = கருணை                       மிடைப்பு         = பணியேற்பு

                 இவண்           = இங்கு                         நூற்றிருபான்     = நூற்று இருபது

                 நுதற்கண்ணன்    = சிவன்                         நுழைபுலம்       = நுண்ணறிவு

                 கன்னல்          = கரும்பு                        நுகர்ச்சி         = அனுபவம்

                 விடலை         = பள்ளிப் பிள்ளைகள்            முருக்கிதழ்      = சிவந்த உதடுகள்

                 வீணை பல      = நல்ல மாணவர்கள் பலர்        தேசுமிக்க        = புகழ் மிக்க

                 வரை            = மலை                         வாரி            = மழை

                 மரை            = தாமரை                       மலரூதி         = வண்டு

                 புதுப்புனல்        = புதிய வெள்ளம்               மதுக்குயில்      = இனிய குயில்

                 மான்மறி         = மான்குட்டி                    செழிமுகில்       = மழைமேகம்

                 சேய்வில்         = சிவந்த வானவில்            அம்புயம்         = தாமரை

                 வக்கணை        = ஒழுங்கு, சாதுரியம்           காழ்மரம்         = வைரம் பாய்ந்த மரம்

                 வெற்பு           = மலை                        வீரியம்          = தைரியம், வீரம்

                 ஈசன்             = இறைவன்                   நெற்று           = முற்றிய கனி                

@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@@