கொத்து (01) மலர் (07)
-----------------------------------------------------------------------------------------------------------
புதுக்கோட்டை
அரசினர் தொழிற் பயிற்சி நிலைய மாணவர்
திரு.கதிரேசன், என் நெஞ்சக் குடிலில் இடம் கேட்டார் !
நானோ
சங்கத் தமிழின் நிலை சொன்னேன் !
(ஆண்டு 1968)
----------------------------------------------------------------------------------------------------------
தீந்தமிழ்ச் சுவைநாடித் திரிகின்ற தம்பி !
தேனூறும் தொழிற்கல்வி மலரூதும் தும்பி !
வெந்தழலாம் இந்தியதன் வேதனையால் கும்பி,
வெந்தழிய அன்னையுனை நாடுகிறாள் நம்பி !
சட்டமெனும் காவலுடன் சிறைக்கதவின் கம்பி !
செந்தமிழின் உரிமைதனைச் சாய்ப்பதுவோ இந்தி !
கொட்டமதை அடக்கிடுவோம் குமுறியெழு ! நெம்பி,
கொடுவிலங்கு அறுத்திடுவோம் குறுங்களிறே வாராய் !!
----------------------------------------------------------------------------------------------------------
ஆக்கம் + இடுகை,
வை.வேதரெத்தினம்,
[veda70.vv@gmail.com]
ஆட்சியர்,
தமிழ்ப்
பணி மன்றம் முகநூல்.
----------------------------------------------------------------------------------------------------------------------
