காய் கலா ஆகும் நிலா !பதினெண் கீழ்க் கணக்கு நூல்களுள் ஒன்றான ”பழமொழி” என்பது முன்றுரை அரையனார் என்பவர் இயற்றிய நானூறு வெண்பாக்களால் ஆகிய ஒரு இலக்கியம் . ஒவ்வொரு வெண்பாவிலும் ஈற்றடியில் ஒரு
பழமொழியை அமைத்து இவ்விலக்கியத்தை அவர் படைத்துள்ளார் !
--------------------------------------------------------------------------------------------------------
பாடல்.47.
--------------------------------------------------------------------------------------------------------
ஆயிரவ ரானும் அறிவிலார் தொக்கக்கால்
மாயிரு ஞாலத்து மாண்(பு) ஒருவன் போல்கலார் பாய்இருள் நீக்கும் மதியம்போல் பல்மீனும் காய்கலா வாகும் நிலா. |
|
---------------------------------------------------------------------------------------------------------
சந்தி
பிரித்து எழுதிய பாடல்
---------------------------------------------------------------------------------------------------------
ஆயிரவர் ஆயினும் அறிவிலார் தொக்கு அக்கால்
மா இரு
ஞாலத்து மாண்பு ஒருவன் போல் கலார்
பாய்
இருள் நீக்கும் மதியம் போல் பல் மீனும்
காய்
கலா ஆகும் நிலா.
---------------------------------------------------------------------------------------------------------
பொருளுரை: ----------------------
இரவு
நேரத்தில் எங்கும் சூழ்ந்துள்ள இருளை, நிலவு தன் இன்னொளியால் நீக்கிவிடுகிறது. ஆனால்,
பல விண்மீன்கள் ஒன்று கூடி ஒளிர்ந்தாலும் கூட, நிலவின் ஒளிக்கு அவை ஈடாகா;
இருளைப் போக்கா ! அதுபோல, அறிவு இல்லாதவர்கள் ஆயிரம்பேர் திரண்டாலும், அறிவிற்
சிறந்த மாண்புடைய ஒருவரைப் போல அவர்கள் விளங்க முடியாது !
---------------------------------------------------------------------------------------------------------
பொருள் விளக்கம்: -------------------------------
பல விண்மீன்கள் ஒன்றிணைந்து ஒளிர்ந்தாலும் ஒரு நிலவின் ஒளி போல இருளை விரட்ட அது
உலகிற்குப் பயன்படாது. அதுபோல, அறிவிலார் பலர் திரண்டாலும் அவரால்
உலகிற்குச் சிறிதும் பயன் இல்லை !
--------------------------------------------------------------------------------------------------------
அருஞ்சொற் பொருள்: -------------------------------------
பாய் இருள் = எங்கும் பரவியுள்ள இருள் ; நீக்கும் = போக்கும் ; மதியம் போல் = நிலவைப்போல
; பல் மீனும் = பல விண்மீன்கள் ஒன்று
சேர்ந்து ஒளிர்ந்தாலும் ; நிலா காய்கல் ஆ(கா) = நிலவு போல ஒளி தர முடியாது. (அதுபோல),
அறிவிலார் = அறிவில்லாதவர்கள் ; ஆயிரவர் ஆனும் = ஆயிரக் கணக்கில் திரண்டாலும் ;
தொக்கு = புல்லிய ; அக்கால்
= குணமுடையவர்களே ; மா இரு ஞாலத்து - இப்பெரிய உலகத்தில்
; மாண்பு ஒருவன் =
பேரறிவு உடைய மாண்பு மிக்க ஒருவர் போல ; கலார்
= ஆகமுடியாது.
---------------------------------------------------------------------------------------------------------
“தமிழ்ப் பணி மன்றம்” முகநூற் குழுவில்
வெளியிடப் பெற்ற கட்டுரை.
---------------------------------------------------------------------------------------------------------
ஆக்கம் + இடுகை:
வை.வேதரெத்தினம்,
ஆட்சியர்,
தமிழ்ப் பணி மன்றம்,
[தி.ஆ: 2050,விடை,03 ]
{ 17 -05
-2019 }
---------------------------------------------------------------------------------------------------------
 |
|
பக்கங்கள்
▼
கருத்துகள் இல்லை:
கருத்துரையிடுக
உங்கள் கருத்துகள் வரவேற்கப்படுகின்றன .