கி.பி. 2
–ஆம் நூற்றாண்டில் தோன்றிய நான்மணிக்கடிகை கடவுள் வாழ்த்து உள்பட
106 செய்யுள்களை உள்ளடக்கியது. விளம்பி நாகனார் என்னும் பெரும்புலவர் இதைப் படைத்துள்ளார். ஒவ்வொரு
பாடலிலும் நந்நான்கு
மணி மணியான கருத்துளைச் சொல்வதால் இது நான்மணிக்கடிகை எனப் பெயர்பெற்றது. இதிலிருந்து
ஒரு செய்யுள் !
-----------------------------------------------------------------------------------------------------------
பாடல் எண்: (22)
----------------------------
மனைக்குப் பாழ் வாள்நுதல்
இன்மை; தான் செல்லும்
திசைக்குப் பாழ்நட்டோரை இன்மை; இருந்த
அவைக்குப் பாழ் மூத்தோரை இன்மை; தனக்குப்பாழ்
கற்றறி வில்லா உடம்பு.
-------------------------------------------------------------------------------------------------------------
பொருள்:
---------------
மனைவி இல்லாத வீட்டில் அழகும் மகிழ்ச்சியும்
துளியளவும் இருக்காது என்பதால் அவ்வீடு விரைவாக நலிவடைந்து போகும் !
செல்கின்ற ஊர்களில் நமக்கு நண்பர்கள்
இல்லாதிருந்தால், இளைப்பாற இடமின்றி நமது செலவு (பயணம்) நலிவடைந்து போகும் !
கல்வி, கேள்விகளிற்
சிறந்த மூத்தோர்கள் இல்லாத அவை, நெறிப்படுத்துவார் இன்றி விரைந்து நலிவடைந்து போகும் !
அதுபோல், கல்வி அறிவு
இல்லாத, மனிதனின் வெறும் உடம்பினால் பயனேதுமில்லை; அவன் வாழ்வே
நலிவடைந்து போகும் !
------------------------------------------------------------------------------------------------------------
அருஞ்சொற்பொருள்:
------------------------------
மனைக்குப் பாழ் = இல்லத்திற்கு
நலிவு என்பது; வாள் நுதல் இன்மை = மனைவி இல்லாமை; செல்லும்திசை = செல்கின்ற
ஊர்; நட்டோரை = நண்பர்களை; அவை = பலர் கூடும்
மன்றம்; மூத்தோர் = கல்வி கேள்விகளில்
சிறந்தோர்; தனக்கு = ஒவ்வொரு மனிதனுக்கும்; கற்ற்றிவில்லா = படிப்பறிவு
இல்லாத.
------------------------------------------------------------------------------------------------------------
ஆக்கம் + இடுகை;
வை.வேதரெத்தினம்,
ஆட்சியர்,
தமிழ்ப் பணி மன்றம்.
[தி.ஆ:2052, ஆடவை (ஆனி),16]
{30-06-2021}
-------------------------------------------------------------------------------------------------------------
கருத்துகள் இல்லை:
கருத்துரையிடுக
உங்கள் கருத்துகள் வரவேற்கப்படுகின்றன .