அளவற்ற செல்வத்தால் அழிந்து விடும் மன அமைதி !
------------------------------------------------------------------------------------------------------------
முழுவதும் வெண்பாக்களால் யாக்கப்பெற்ற #நான்மணிக்கடிகை, விளம்பி நாகனார் என்னும் புலவரால் இயற்றப்பெற்ற நூல். கி.பி. 2-ஆம் நூற்றாண்டு வாக்கில் தோன்றிய இந்நூல் ஒவ்வொரு பாடலிலும் நான்கு நான்கு கருத்துகளைச் சொல்கிறது ! இதிலிருந்து ஒரு பாடல் !
------------------------------------------------------------------------------------------------------------
பாடல்; எண் (09)
------------------------------------------------------------------------------------------------------------
கள்வமென் பார்க்குந் துயிலில்லை காதலிமாட்டு
உள்ளம்வைப் பார்க்குந் துயிலில்லை; ஒண்பொருள்
செய்வமென் பார்க்குந் துயிலில்லை; அப்பொருள்
காப்பார்க்கும் இல்லை துயில்.
------------------------------------------------------------------------------------------------------------
சந்தி பிரித்து எழுதிய பாடல்:
------------------------------------------------------------------------------------------------------------
கள்வம் என்பார்க்கும் துயிலில்லை; காதலிமாட்டு
உள்ளம் வைப்பார்க்கும் துயிலில்லை; ஒண்பொருள்
செய்வம் என்பார்க்கும் துயிலில்லை; அப்பொருள்
காப்பார்க்கும் இல்லை
துயில்.
-----------------------------------------------------------------------------------------------------------
பொருள்:
---------------
திருடுவதற்காக ஊர் அரவம் அடங்கும்
வரைக் காத்திருப்பார்க்கும் உறக்கம் வாராது !
காதலில் கட்டுண்டுக் காதலியின் இடத்தில் மனதைப் பறிகொடுத்தவர்களுக்கும் உறக்கம் வாராது !
நிறைந்த செல்வம் சேர்க்கவேண்டும் என்று கருதி இராப் பகலாய் உழைப்பவர்களுக்கும் உறக்கம் வாராது !
அதுபோல், சேர்த்த
பொருளை, களவாலும்
பிறவாற்றாலும் கெடாதபடிக் காப்பவர்களுக்கும் கவலையால் உறக்கம் வாராது !
------------------------------------------------------------------------------------------------------------
அருஞ்சொற்பொருள்:
------------------------------------------------------------------------------------------------------------
கள்வம் = திருடுவோம்; என்பார்க்கும் = என்று
திட்டமிடுபவர்களுக்கும்; காதலி
மாட்டு = காதலி இடத்தில்; ஒண்பொருள் = பெரும் செல்வம்; செய்வம்
= ஈட்ட வேண்டும்;
------------------------------------------------------------------------------------------------------------
ஆக்கம் + இடுகை;
வை.வேதரெத்தினம்,
ஆட்சியர்,
[தி.ஆ:2052,கும்பம்(மாசி),08]
{20-02-2021}
------------------------------------------------------------------------------------------------------------
கருத்துகள் இல்லை:
கருத்துரையிடுக
உங்கள் கருத்துகள் வரவேற்கப்படுகின்றன .